Lijepe vijesti sa farme u Martinićima: Prvo mladunče u ovoj godini zove se Sunce
Izvor: Facebook
Lijepe vijesti za početak ovog sunčanog februarskog dana-na farmi magaraca u Martinićima rodilo se prvo mladunče ove godine i nazvali su ga Sunce.
Njegova majka Hajla je prošle godine izgubila svoje prvo čedo, ali sada stižu radosne viesti.
„Bilo je jako mučno gledati kako veterinar satima izvlači mrtvo i naopako okrenuto magarence iz majke koja nije imala kontrakcije. Nijesmo jeli danima od nekakve tug. Nakon toga je mjescima, kad smo god ušli na farmu, znala da dođe i stane tik uz nas. Životinje ne pričaju, ali svojim ponašanjem kažu: htjela je zahvaliti što smo joj blažili muke, u nama je gledala spas“, kažu iz Farme.
Danas je konačno ogrijalo Sunce.
„Iako nosi ime jedne od najljepših crnogorskih planina, pa je u planu bilo da njena djeca nastave sa takvim imenima, Hajlino magarence smo nazvali Sunce. Hajla i Sunce. Neka sija i neka je grije toplinom“, poručuju iz Martinića.
